Batzordearen agurra

Hasteko, eskerrak emon gura deutsueguz aldez aurretik webgune hau irakurtearren, gaur egun ez baita erreza hausnarketa egiteko astia topetea. Gatikako Euskera Batzordetik zuengana joten dogu sano kezkatuta gagozelako herrian euskerak daukan egoeragaz, eta zuen laguntza eskatu gura deutsuguelako. Orain dala hamarkada gitxi batzuk, euskeraz bizi ginan, baina belaunaldi batean erderak gure hizkuntza ordezkatu dau; eta gaur ia ez da euskerarik entzuten kalean. Etxeetan bere, EUSTATen datuen arabera (2021) euskeraren erabilera %82tik %44ra jaitsi da azken 30 urteetan. Holan jarraitu ezkero, euskera galdu egingo da. Bada ordua izartzeko eta zeozer egiteko!