Euskera praktikau gura badozu, baina ez badaukazu nogaz egin; edo euskalduna izanda euskeraz bizitzeko aukera barrien bila bazabiltza, emon izena Berbalagunean!
Berbalagun proiektua euskeraz egiteko pertsonak batzen dauen ekimena da. Egitasmoa euskera praktikau gura daben pertsonei zuzenduta dago, eta baita, hizkuntza jakinda, talde euskaldun baten barruan egon gura dabenei. Honeek dira Berbalagunaren ezaugarriak:
- Taldea astean behin batzen da, eta mota guztietako jarduerak egin leitekez: eztabaidak, tailerrak, ibilaldiak, ikus-entzunezko materiala ikusi…
- Jarduera AEK-k koordinau eta dinamizetan dau.
- Debalde da.
Berbalagunean parte hartzeko, izena emon behar da urriaren 15era arte.
- Gatikako Kultur Etxea: 94 615 1250 / 688 692 560 (Whatsapp) edo kulturetxea@gatika.eus
- Kinttopeko AEK Euskaltegia: 607 601 302 edo kinttopeko@aek.eus
- Online: https://emanizena.praktikatu.eus/
Berbalaguna AEK-ko “Praktikatu” mintzapraktika egitasmoaren barruan dago. Ekimenaren ganeko informazino guztia euren webgunean dago: www.praktikatu.eus