Beste urte batez garai honetan, Euskarazko Produktuen Katalogoa argitaratu dabe azken urteko ume eta gazteentzako euskerazko materialagaz. Besteak beste, aldizkariak, musika, liburuak, komikiak, informatika, jostailu eta jokoak, filmak eta gurasoentzako materiala. Produktuak bi ataletan sailkatuta dauz: bata 0-12 urte bitarteko umeentzako eta bestea 12-16 urte bitarteko gazteentzako.
Ekimena Nafarroako udal gitxi batzuek abiau eben 1998. urtean. Baina gaur 100 udalerri eta erakundetik gora dira parte hartzen dabenak; euren artean, Gatikako Udala. Aleak udaletxean, liburutegian eta ludotekan egongo dira eskuragarri.
Ganera, katalogoa interneten bere badago. Webguneak milaka produktu daukaz, eta maiztasunez eguneratzen da, argitaratzen diren produktu barriak sartuz eta deskatalogatu direzenak kenduz: https://www.katalogoa.eus/