Euskalgintzaren Kontseiluak euskeraren aldeko ekitaldi erraldoia antolatu dau abenduaren 27an. “Euskaraz bizitzeko Pizkundea” lelopean, Kontseiluak milaka euskaltzale batu gura dauz Bilbon gure hizkuntzari arnas barria emoteko. Era berean, saioan euskeragaz lotura daukien makina bat pertsonalidade egongo dira: kulturgileak, antzezleak, bertsolariak… Ekitaldia kultur kutsukoa izango da, hitzartzeak eta musika uztartuz. Izan bere, hamarkadatan euskeraren taupadaren parte izan diren abeslari ekarriko dabez “Euskararen soinu-banda” eratuz: Amets Aranguren (Iruñea, 1998), Anari (Azkoitia, 1970), Beñat Goitia “Benizze” (Gasteiz, 1991), Gontzal Mendibil (Zeanuri, 1956), Gorka Urbizu (Lekunberri, 1977), Joseba Tapia (Lasarte-Oria, 1964), Julen Goldarazena “Flako Fonki” (Iruñea, 1999), Maia Iribarne (Lasa, 1995), eta Miren Narbaiza (Eibar, 1986).
- Eguna: abenduak 27 (zapatua)
- Ordua: 17:00
- Lekua: Bilbao Arena kirol jauregia
- Sarrera: 10,00€
Ekimen honen arrazoia euskeraren larrialdi linguistikoa da. Asko eta agerikoak dira azken hamarkadetako susperraldi aroa eten danaren zantzuak. 2023an argitaratutako VII. Inkesta Soziolinguistikoak, esaterako, erakusten dau gune euskaldunenetan atzera egiten ari dala euskeraren erabilera, eta gero eta gitxiago direla euskeraz erderetan baino errazago egiten daben hiztunak. Errealidade honen aurrean, Kontseiluak barriro euskaltzaletasuna lehen lerrora ekarri gura dau eta “pizkunde” barria emon.
Ekitaldirako sarrerek 10,00€ balio dabe, eta online erosi daitekez: https://pizkundea.eus/