Iñaki Iurrebaso Biterik “Gako berrien bila: Hizkuntza gutxituen jarraipena, ordezkapena eta indarberritzea neurtzeko demolinguistikazko tresna metodologikoak garatzen” liburua aurkeztu dau aurtengo Durangoko Azokan. Saiakera egileak 2023an argitara emondako tesian oinarrituta dago, non, tresna metodologiko eta ikuspegi barriak erabiliz, euskerak egun bizi dauen egoeraren erretratu zorrotza egin zaun.
Iñaki Iurrebaso Biterik soziologia ikasi zaun, eta gaur egun UEMAko ikerketa teknikaria da. Tesiak zortzi urteko ikerlana dauka atzean, eta emaitzak oinarri hartuta Iurrebasok euskera “minorizazino egoera larrian” dadoela ondorioztatu dau. Bestalde, aurrekoagaz kontrastean, euskeraren aldeko jarrera indartsua azaltzen dabe euskaldunek; bizinahi handia daukan komunidadea ei da gurea.
Liburua Euskaltzaindiak argitaratu dau, EHU-UPVren laguntzagaz, eta liburudendetan erosi daiteke edo Euskaltzaindiaren webgunean bere: www.euskaltzaindia.eus
Azpiko bideoan, Iurrebasori Durangoko Azokan egindako alkarrizketa ikusi daiteke.
Webgunean Iurrebasoren tesiaren laburpena egin genuan orain dala hilabete batzuk: https://euskerabizirik.eus/2024/09/14/euskeraren-egoera-gaur-zer-dinoe-datuek/