Zer da Korrika? KORRIKA euskeraren alde egiten dan karradera erraldoia da. Ekimena AEKren egitasmoa da, eta helburua euskeraren aldeko kontzientzia suspertzea eta euskaltegien eguneroko beharra indartzeko dirua batzea da.
Bi urtez behin egiten da, eta Euskal Herri dana zeharkatzen dau 11 egunetan edo. Urtero ibilbidea aldatu egiten da, baina beti 2.300 kilometro inguru izaten dira. Ateratzen danetik amaitu arte, lekukoa eskutik eskura, herriz herri aldatzen joaten da, baina martxa ez da inoiz lotzen, ez gauez ezta egoera klimatologiko txarrengatik bere. Lekuko horren barruan, euskaldun ezagun batek Korrika helmugara iristean idatzi eta irakurriko duen mezua gordetzen da, ordura arte sekretupean gordetzen dana.
Lehen Korrika 1980an egin zen; eta aurten, 2024. urtean, 23. edizinoa egingo da (22. KORRIKA atzeratu behar izan zan koronabirusak eragindako pandemiagatik). Karradera Irunen hasiko da martiaren 14an eta, Euskal Herriko lurralde guztiak zeharkatu eta gero, Baionan amaituko da 24an.
Informazino dana AEKren webgunean: https://www.korrika.eus/eu/