2026ko irailaren 23tik 26ra, Garabide, Plazara, Soziolinguistika Klusterra eta Taupa erakundeek “Bihar” nazioarteko kongresua antolatu dabe. Egitasmoak “Hizkuntzetatik jalgitzen ari den mundua” leloa dauka, eta lau egunez, mundu mailako adituak, aktibistak eta artistak batuko dira Bilbo, Irun eta Hendaia artean, hizkuntzen bizibarritzeari buruz berba egiteko.
Antolatzaileen esanetan, kongresuak aldaketa-puntu eta abiapuntu bat izan gura dau, komunidadeen arteko alkarlana indartu, hizkuntzen gitxitze-prozesuen zergatiak aztertu eta bizibarritzerako bide partekatuak sustatzeko. Publiko zabalari irekitako kongresu horretan gure daben guztiek parte hartu daikie, baina izena aldez aurretik emon behar da.
Kongresuaren egitaraua, labur:
- Irailak 23, Euskalduna Jauregian (Bilbo): Kongresuaren hasiera ekitaldia.
- Irailak 24-25, Ficoban (Irun): Kongresuaren muina: hitzaldiak, mahai-inguruak, tailerrak. HENDAIA: programazio artistiko-kulturala.
- Irailak 26 (Hendaia): adierazpenaren aurkezpena eta itxiera ekitaldia.
Informazino guztia: BIHAR – Kongresua