Albisteak

Euskaldunen hizkuntza eskubideen aurkako bazterketa eta erasoak ikusarazi eta salatzeko tresna berriak eskaini ditu ELAk. Egilea: –Argitalpen-data: 2026/07/14Iturria: https://www.ela.eus

Jaurlaritzaren hizkuntza ofizialak erabiltzeko irizpideen aurka CCOO sindikatuak aurkeztutako helegitea Espainiako Auzitegi Gorenera iritsi da; EAEko Auzitegi Nagusiak helegitea onartu zuen, orain Espainiako Auzitegi Gorenak berretsi egin du eta behin betiko bertan behera geratu dira zenbait puntu. Egilea: Goiatz Iza ErkisArgitalpen-data: 2026/07/14Iturria: https://www.argia.eus

PPren eta Voxen helegiteengatik, EAEko Justizia Auzitegi Nagusiak Espainiako Auzitegi Konstituzionalari galdetu zion ea konstituzionala den Enplegu Publikoaren Legeko hizkuntza eskakizunen derrigortasuna; Konstituzionalak ez du tramiterako onartu galdea. Egilea: Irati Urdalleta LeteArgitalpen-data: 2026/07/8Iturria: Espainiako Auzitegi Konstituzionalak ez du ebatziko EAEko hizkuntza eskakizunen derrigortasunaz

ELAk Lan Harremanen Kontseiluari euskaraz negoziatzeko baliabideak eskatu dizkio, eta iragarri du irailetik aurrera hizkuntza hori baino ez duela erabiliko martxan dauden sektoreko 27 negoziazioetan. Egilea: –Argitalpen-data: 2026/07/7Iturria: https://www.ela.eus

Aste honetan albiste izan da Euskal Enplegu Publikoaren legean euskararen eskakizunaren inguruan akordioa egin dutela EAJk eta EH Bilduk, ez erabateko adostasunarekin (EH Bilduren aukera abstentzioa izan baita), baina bai EAJk aurkeztutako aldaketak aurrera egiteko moduan (eta beste alderdien kontrakotasun nabarmenarekin). Egilea: –Argitalpen-data: 2026/06/26Iturria: https://sustatu.eus

Gaur, ehunka pertsona elkartu gara «Justizia euskararentzat, euskara guztiontzat» lelopean Euskalgintzaren Kontseiluak Bilboko, Donostiako eta Gasteizko EHUren campusetan deitutako hiru elkarretaratzeetan. Bertan, salatu dute unibertsitatera sartzeko probetan zenbait ikaslek lortutako emaitza eskasak euskararen normalizazioaren aurkako oldarraldia hezkuntzara hedatzeko baliatu duela botere judizialak, euskarari uko egitea sarituz eta pribilegiatuz. Egilea: –Argitalpen-data: 2026/07/2Iturria: Euskararen aurkako oldarraldiaren hedapena…

Irakurri gehiago “Euskararen aurkako oldarraldiaren hedapena salatu eta euskarazko eredua orokortzea eskatu dugu ehunka lagunek Bilbon, Donostian eta Gasteizen” »

Euskarako azterketa gainditu ez zuten hainbat familiek jarritako helegiteak aintzat hartu dituzte Bilboko zenbait epaitegik, eta ofizioa igorriko diote EHUri, bataz besteko nota egiterakoan euskaran ateratako emaitza kontutan ez hartzeko. EHUk aurreratu du errekurtsoa aurkeztu duela. Egilea: –Argitalpen-data: 2026/06/29Iturria: https://www.naiz.eus

Selektibitateko azterketetan egindako berrikusketen emaitzak jakinarazi ditu EHUk. Euskara eta Literatura II ikasgaiko azterketan zero atera zutenek ez dute alde handirik atera bigarren zuzenketan, nahiz eta 76tik 11ra jaitsi diren zero atera dutenak. EHUko errektore Joxerramon Bengoetxeak berrikuspen prozesuak “normaltasun osoz” funtzionatu duela adierazi du, eta gogoratu du hautaproba berrietan ortografia akatsak kontuan hartu dituztela….

Irakurri gehiago “Euskara azterketetako emaitzak berrikusi eta gero, “zerotik gertuko notetan” geratu dira ikasleak” »

Idazkuna 2020an aurkitu zuten Nafarroako Irulegiko aztarnategian, Irulegiko eskua agertu zen etxe berean. Ostegun honetan azaldu dute Iruñean horiei buruzko ikerketa, eta baliteke aztertutako inskripzioa baskoierazko lehen zenbakia izatea: abaŕ, euskarazko hamar litzatekeena. Egilea: Xabier Letona BiteriArgitalpen-data: 2026/06/25Iturria: Baskoierazko zenbaki baten lehen lekukoa izan daitekeen idazkun bat agertu da Irulegin

Bilbon egin den topaketak Europako adituak, erakundeak, enpresak eta ikertzaileak bildu ditu hizkuntza-teknologien eta adimen artifizialaren erronkei buruz hausnartzeko. Ibone Bengoetxea lehenengo lehendakariordeak nabarmendu du hizkuntzek “beren etorkizuna ere jokoan” dutela aro digitalean, eta euskararen gaitasun digitalak indartzeko beharra azpimarratu du. Egilea: –Argitalpen-data: 2026/06/11Iturria: https://www.euskadi.eus