UEMAk Gatikako Eskolako ikasleen hizkuntza-erabileraren neurketa egin dau. Guztira 187 elkarrizketa behatu dauz jolasgaraian, eta horietan 655 solaskideren hizkuntza-erabilera jaso dabe. Gauzak holan, solaskide horietatik 239 euskeraz aritu dira, 327 gaztelaniaz eta 89 elebiz. Ehunekoetara ekarrita, alkarrizketen % 36,5 euskeraz izan dira, % 45,5 gaztelaniaz eta % 9,9 elebiz. Bestalde, Haur Hezkuntza eta Lehen Hezkuntzaren artean, ez dago desberdintasun nabarmenik: HHn alkarrizketen % 39,3 izan dira euskeraz, eta LHn % 33,8.
Datuak zikloka aztertuz gero bere, desbardintasunak ez dira nabarmenak; hau da, erabilera mantenidu egiten da orokorrean ziklo guztietan. Arabere gehiago, Haur Hezkuntzari erreparatuz gero, ikus daiteke hobekuntza somatzen dala HH2tik HH5era: % 10 egiten dau gora euskeraren erabilerak. Lehen Hezkuntzan, joera ez da argia: bigarren zikloan behera egiten dabe datuek, baina hirugarrenean barriz bere egiten dabe gora.
Bestalde, bai datu orokorretan, bai HH zein LHko datuetan, neskek euskera gehiago erabilten dabe mutilek baino. Izan bere, aldea esanguratsua da: neskak solaskideak izan diren aldien % 40,5an euskeraz aritu dira eta mutilen kasuan, ordea, % 26,6an. Desberdintasuna areagotu egiten da adinak aurrera egin ahala.
Amaitzeko, tipologia antzekoa daukaten beste udalerri batzuekaz alderatuta, Gatikako datuak bataz bestekoaren barruan sartzen direzela antzeman daiteke; arabere gehiago, apur bat hobeak dira. Gure erronka, LHko joera mantentze joera baino, goranzko joera bilakatzea da.