Ekintzak eragileren bat daukala adierazten dabe aditz arazleek. Aditz “erazleak” edo “arazleak” eratzeko, euskeraz arazi, erazi, erazo eta arazo aldaeretan agertzen dan berbaz baliatzen gara. Berba hori jagokon aditzaren ondo-ondoan doa perpausean, eta dalako aditzaren erroa da berez agertzen dana. Horretaz bestalde eragin bere badaukagu, euskalki guztietan egin-en bidez eratzen diren aditzen “erazle” gertatzen dana, eta, bizkaieraz, batez bere, ganerako aditzekaz bere erabilten dana. Forma hori erabiltzerako orduan, ordea, zalantzak sortzen dira idazkerari dagokionez.
