Euskara auzitan. Oldarraldi judizial eta sindikal baten azalpena txostena aurkeztu du ELA sindikatuak. 27 orrialdetan administrazioa euskalduntzeko garatutako legeak eta dekretuak azaldu ditu, baita euskararen aurka eman diren epaien errepasoa egin ere. Hauek dira oldarraldi antolatuaren ondorio batzuk: 1982ko Legeak administrazioa progresiboki euskalduntzeko ematen zuen aukera mugatuta dago; nekez izango da lan hizkuntza euskara; erdal elebakarrek ere administrazioan lan egiteko eskubidea daukate; eta euskaldunok arreta euskaraz jasotzeko oztopoak izaten jarraituko dugu.
Egilea: Onintza Irureta Azkune
Argitalpen-data: 2026/05/22
Iturria: https://www.argia.eus